مفتتح

لا كنت يوم درويش

ولا يوم غوانى كدبى

ولا عمرى بعت كلام اوليا

لكنى ابن الغريب

وصدقى يسبق عشق

من كان فى الهوى مكانى

1

كانت غزال او مهر ... ميهمش

كانت قمر ليل ولا شمس نهار

المهم انك حبيتها .. عشقتها

ولا بان صبحك فيها .. ولا بانلك

ليل

2

ماسك فى ايدك سيف فاكره سيف الهلالى

و عمال تهدد و تتوعد بصوت .. عالى

لكن نسيت انك .. مهما اداريت

لا عمرك كنت كلب

ولا عمر الوفا حيغادر جوفك المجروح

3

بتلومى عليه وانتى جرحه

ماهوش ذنبك .. بس انتى فرحه

وازاى يلوم فرحى عليا لما يهاجر

واشوف فرحى .. بيضحك

فى عيون اختارها فرحى .. ونسينى وسافر

4

وقعت فى النص يا مسكين

كل ذنبك ان الفرح اختارك

ومن هنا ورايح

حتنصب عليك لعنات كتير عاشقين

غلطتك و مش غلطتك

انك اخترت

من كانت رابعة العاشقين

5

جبتك يا عبد المعين تعينى

وقعت فهواها وصار جرحك ألمنى

لكن لأنك ولأنى

عارفين ايه الحكايه

مش راح نكتب لها نهاية

6

انا ابن الغريب صبحت الغريب وسطكم

لكنى عارف كدبكم من صدقكم

وعارف ان الحزن مالوش صاحب

وكمان الفرح مالوش صاحب

لكنى عارف .. مصير من صاحب

من كان عالعهد متصاحب

وانا على عهدك يا سيدى

متصاحب

ختام

وحتفضلى كدا يا دنيا

كلمة ونص

لكن تعوز سنين قوالة

لجل ابن ادم سمعه تقيل

لكن مسيرك فى يوم تضحكى

وان كان ضحكك عزيز

وكفاية انى بضحك

كل يوم

على تقاسيمك الراست .. واشجانى الصبا

------------------------------------------------

رسائل قصيرة:-

اليك : - من دليل محارب النور :-

يعرف محارب النور المعركة التى تستحق خوضها

يبنى قراراته على الالهام والايمان ، مع ذلك يقابل ناسا يطلبون منه الخوض فى معارك لا تخصه ، فى ساحات الوغى ، لا يعرفها ولا تعنيه.

هؤلاء غالبا المقربون من محارب النور ، ناس يحبونه ويثقون بقوته ، ويريدون منه تخفيف اوجاعهم بأى صورة

فى هذة اللحظات .. يبتسم المحارب و يخبرهم بحبه لهم ، لكن هذا لا يبرر مواجهة التحديات

محارب النور الحقيقى يختار ارض معركته