الوسية

*مين الى قال الدنيا دى وسية

انا اللى قلت

وباقول

واصرخ بكل القول

الدنيا دى وسية

وحتفضل وسية

لا المهدى راجع فوق حصان ابيض

ولا نور الفارس راح يطلع .. ينفض

ولا فى عيال جايه .. جديدة

تمسح دموعك يا بن الناس

هى كده

وسية

عليها كيف الوتد

حراس

وميت الف باب

وميت الف سجن

وان عشت تحلم غيرها

راح تجن

اسمع منى يا بن الناس

لا تحلم باميرة قصر

ولا هلالى فوق حصان ابيض

خلاص

معادش فى

غير سيدك

وانت عبده

طاطى يا واد ادم

طاطى

وان كان حلمك ماهوش راضى

اقتله

ادفنه

قبل مايقتلك انت

كرباج السيد فوق صدرك

وصدور الخلايق اجمعين

وان لمح بطرف عينه

عقلك

حيقول هاتوه

واد ادم ابن الندامة

ويقول شيلوه

وارموه

فى الضلام

واعقدوا محكمة الوسية

تنظر فى امر جرمه

ويا ويلك يا ابن ادم

المحكمة .. ولاد عدل صح يا خوى

محيعملوش فيك حاجة عفشة واصل

همه بس حيعملوا للسيد خاطر

ويسألوا

يا سيد

نقتله زى اللى كان قبل سابق

ولا يعيش فى جحيم السجن

وبعدين يعلنوا

بعد الاطلاع على قوانين الوسية

اللى هيه قانون واحد

واحد مفيش غيره يا ولدى

اللى يقولوا السيد .. فوق الرقاب .. نافد

ويعلنوا اعدامك و اعدام حلمك

بتهمة كبيرة وواعرة قوى

ويقولوا

اصله كان بيفكر

والاكادة لما فتشنا ضميره

لقيناه بيحلم

وتسمع الخلق كتيير بقولوا

المجرم .. واكل ناسه

كان بيحلم ؟؟؟

مع عدم الاعتذار لاستاذى سيد حجاب*

" ........انها الحرب اذا"

"Behold .. The Anger Of The Warrior Of Light Has Reached It Edge , It Is Sword Time .. All Those Who Know The Word Courage Shall Fight Now ... And All Those Who Give Pain To Others .. Shall Now be Defeated ....There Shall Be No Return .. There Shall Be No Retreat , And The Crown Of Light Shall Once Again Shine In The Dark Valleys Of Your So Thurst For Light World ... All Shall Fade ... ALL .. Shall Fade"

*البحر بيضحك ليه
وانا نازله ادلع املا القلل

البحر غضبان ما بيضحكش
أصل الحكاية ما تضحكش
البحر جرحه ما بيدبلش
وجرحنا ولا عمره دبل

مساكين بنضحك من البلوة
زي الديوك و الروح حلوة
سارقاها من السكين حموة
و لسة جوا القلب أمل
قللنا فخارها إناوي
بتقول حكاوي و غناوي
يا قلة الذل أنا ناوي
ما شرب و لو في المية عسل

والبحر بيضحك ليه … ليه
وانا نازلة ادلع املا القلل

ياما ملينا وملينا
لغيرنا وعطشنا ساقينا
صابرين وبحر ما يروينا
شايلين بدال العلة علل

والبحر بيضحك ليه … ليه
وانا نازلة ادلع املا القلل

في بالي ياما وعلى بالي
واللي بيعشق ما يبالي
ما يهمنيش من عزالي
يا حلوة لو مرسالي وصل

والبحر بيضحك ليه ليه
وانا نازلة ادلع املا القلل

بيني وبينك سور ورا سور
وانا لا مارد ولا عصفور
في إيدي عود قوال وجسور
وصبحت انا في العشق مثل

والبحر بيضحك ليه
وانا نازله ادلع املا القلل

تصحيح : الشعر لعم الكل نجيب سرور .. شكرا للعربى التائة على التصحيح

-------------------------------------------------------------------

والحكاية .. مبتنتهيش ... الدنيا بتحاربنى و بتحاربك يا واد ابراهيم يا خوى ..

--------------------------------------------------------------------

ابونا مات...

مات يا صاحبى

من زمن بعيد ..

ولا عاد فيه ابراهيم

ولا يوسف

.. وجريوا الكلاب

جريوا

على لحم جدك وجدى

... ولاد ادم

نسيوه

نسيوا ادم

يا واد ابوى

و بقوا ولاد ابليس

.. وابليس اللعين سارح

يتنطط فى دمهم

و يشرب من دمك

ودمى ...

ويضحك

يضحك

بصوت عالى كنفخ البوق

و يطلع لسان من نار

يحرق ولا يبقيش على شى

.. وادم حبيس ..

وولاده بيهوهوا

.. بقوا كلاب

كلاب ياخوى

.. .. ونسل ابراهيم و يوسف

ضايع

.. تايه ..

..بيتقتّل فى الحوارى ..

و الدم يجرى ..

يصرخ ..

والارض تترعش

و ترفض تشربه ..

والهوا يقول لا ..

ماشيلش دم ولاد الغالى ..

ودمنا على الرض

يصرخ من تانى

ويبكى ..

ليه يا ولاد ابراهيم ..

ليه يا خوات ابراهيم

ليه يا بنت ابراهيم

ليه يا لحم ابراهيم

ليه؟؟

--------------------------------------------------------

ابكوا .. معنا

---------------------------------------------------------

هيه الحرب يا صاحبى مفيش جدال

لحمك ... ولحمى .. لازم ينشال

و يطلع بره برك الاوحال

ويرجع من تانى

ابيض .. كضى القمر يوم الهلال

طاهر .. كما كان وانقال

وان كان الدم مهرك

يا بت جدى وعمى

دمى كما الفيض .. شلال

واكيد هيطلع واد ابراهيم تانى

وغيره كتيير من تانى

يشيلوا الضى فوق الراس

ودمهم .. عل الرض

ماينداس

وضلوعهم .. تحمى الولد

من ناب من كانوا قبل سابق

ينقال عليهم .. ناس

هى الحرب يا واد ابوى

ولو حتى الرقب .. ينداس

سيف جدك وجدى يقطع

رقب كل من خان عهدك

وعهدى

ويعود الضحك من تانى

يا صاحبى و تعود

بنت عمك وعمى

مثل القمر

فوق ايدين الناس

فوق عيون الناس

فوق نياب الناس

-----------------------------------------------------

مبروك للنورس سماه الجديده http://rotwiller.blogspot.com/

وعقبال ميت الف سما

-----------------------------------------------------

وصلنى التعليق .. وقرأته متأخرا .. اتفق مع كل الكلام .. لكم جزيل الشكر على المديح .. لكنى احذر فقط من شئ واحد .. فقد بدا لنا منذ سابق العصر و الاوان .. وكما حكى لنا من كان .. ان الفراشة ذات الالوان .. تحب النيران .. وتطير نحوها كالشجعان .. ثم تحترق الى النسيان

نتمنى لكم طول العمر .. و ندعو الله ان يبعد النيران

الاعمال باللون البرتقالى ملك لاصحابها و مبدعيها .. باقى المدونات من محاولاتى المتواضعة*

الوعد و المكتوب

وعدتك انى ساكتب عنك .. و جاء الوعد الان

اليك .. ابن ابراهيم .. قبل ان تضيع فى حواريهم

--------------------------

حبيت بنت مريم .. حبيت فيها ايه .. جميلة ؟؟؟ .. انت بتدور على جميلة .. كلنا زيك ..

بس ايه اللى جارحك اكتر ان بنت مريم فضلت زى ما هيا .. ولا ان كل ولاد نوح حبوها معاك ؟؟

اقولك على سر .. انا نفسى حبيتها !!!

يمكن يكون يحيى جوايا شاف جميلة جواها .. و يمكن يكون خداع بصر .. و يمكن يكون المخرج عايزنا كلنا نحبها!!!

بتنتقم من نفسك و حتشرب سم وفاء بالعند .. عادى .. ولاد ادم كتيير راحوا قبلك كده !!

بس خلينى اقولك على سر تانى .. هات ودنك كده

{ذَلِكَ مِنْ أَنبَاء الْغَيْبِ نُوحِيهِ إِلَيكَ وَمَا كُنتَ لَدَيْهِمْ إِذْ يُلْقُون أَقْلاَمَهُمْ أَيُّهُمْ يَكْفُلُ مَرْيَمَ وَمَا كُنتَ لَدَيْهِمْ إِذْ يَخْتَصِمُونَ }آل عمران44

على اى حال بص يا صاحبى

اذا كانت بنت مريم محستش بيك .. فى غيرها كتيير .. بس من بنات مريم .. مش وفاء .. يا صاحبى متدورش على بنت .. برا بلد البنات

انا والله مكنت عايز اكلمك .. ووالله بحترم حقك فى الاختيار .. بس صدقنى .. مش بأيدى .. هو الى امر .. وانا مش عارف اعمل ايه

الشىء الوحيد اللى بطلبه منك انك متخلنيش اغنى فى يوم من الايام كان ليا صاحب و كان عالدنيا متصاحب يرو ح ويمشى يتعاجب .. واتغير المكان

اوعى تتكسر .. والاهم .. اوعى تكسر نفسك ... اقفل على جرحك وعيش .. زى ما يليق بيك انت انك تعيش .. انت .. ابن ابراهيم .. مش اى حد تانى .. متخلص جرحك فيك بجرح تانى طول العمر ... اتمرد .. اتمرد ... يا كفيف

اخر كلامى رسالة ليك وحدك واعتراف .. مش قادر استنى لغاية ما اشوفك عشان اقولها .. و يا رب توصل .. و ربنا يحميك .. يا صاحبى

صاحبك جانى فى النهار و انا فاتح عينى و قالى .. " مقلتلوش يرجع ليه .. انا مش قلت يرجع ! "

وصلت ؟؟؟

اما الاعتراف .. فانا خبيت عنك كلام ليك سابق .. لانى مرضيتش اتدخل .. لو لحقتك وانت صاحبى زى ما انت حاقوله

ودى كانت اصعب مرة اكتب فيها فى حياتى!!

لن تموت جميلة
جميلة جواد قصفي
جمعتنا القضبان الممتدة من نفحة الى عسقلان، وجمعتنا ارض الآباء والإباء في جنوب العرب، وتوأمه العضوي جولان العرب، كنت وما زلت مؤمنا كما حادثتك لاخر مرة بالوطن ولبنان وكل شؤون وهموم هذه الأمة الصابرة المجاهدة والمناضلة والرافضة لكل شكل من أشكال الذل والهوان. حين ابلغني رفيق دربنا عميدنا الأسير سمير القنطار بتلقيك نبأ وفاة طفلتك جميلة، كنت جميلا كروح جميلة، وكنت كبيرا كما هو لبنان كبيرا، وكنت أحد تجليات البطولة بكل ما تحمله من قيم ومعاني لا يستطع فهمها وإدراكها سوى أولئك الجنود الذين كوتهم سياط الجلاد حتى تقيحت جروحهم وما ذلوا.استحضر اليوم في ذاكرتي إحدى جلساتنا في الفورة تحت فئ نخلة عسقلان في سجن عسقلان، التي اقتلعها الجلاد مسيجا سماء بقعتنا الصغيرة بالأسلاك، التي كانت لنا متنفسا للهواء النقي ،حين تحدث احد رفاقنا بزهو وفخر، عن ظروف استشهاد هادي حسن نصرالله، ابن شيخنا الجليل حسن نصرالله، حيث قال بالحرف الواحد "أمة تنجب هكذا أبطال يجب ان تنتصر مهما تعاظمت قوة الاسرائيليين وتعاظم بطشهم وظلمهم". وتحدثت أنت كمن يعلم جيدا أحد أسرار البطولة وقلت " ما دام لبنان والامة فينا تتنفس فحتما نحن المنتصرين، وحين نرى ونشاهد ان قائدنا في القتال يتقدمنا نحو الشهادة فلا بد ان ننتصر" وبعد سنوات كان الانتصار العظيم في كل لبنان وكل جزء من أجزاء وطننا العربي المثقل بجراح الهزائم المتكررة.آخي جواد :ماتت جميلة، لكن الآمال قي قلبها لم تمت لحظة واحدة، ورحلت عنك جميلة دون ان تلامس أصابعك خصلات شعرها، لكن روحها أبدا لن ترحل من قلبك، فأنت الصابر والمؤمن، وأنت مجاهدا تتجسد فيك البطولة، ليس فقط بمواقفك وصمودك ضد المحتل، وانما بتحديك لعوامل الزمن البطئ، وعوامل التآكل الثوري التي اصابت الكثير من النفوس الضعيفة والسقيمة، البطولة فيك تجسدت في تلك الأشياء الصغيرة التي صنت فيها لبنان وروح الأمة فيك، فكنت جبارا امام جلاديك القتلة،في معارك الصمود والبقاء داخل اسلاك المعتقل، معركة زيارات الاهل من فلسطين والجولان، ومعارك انتزاع حقنا في الطعام والماء، ومعركة حقنا في ملامسة اجسادنا أشعة الشمس، ومعركة حقنا في الهواء والتنفس، ومعاركنا المتكررة على مدار اليوم والساعة في صون كرامة الوطن والامة، وكان لصمودنا وتحدينا، وموتنا البطئ في كل معاركنا النصر والافتخار لأجيال هذه الأمة التي ترى ان روادها المناضلين التي تئن جراحهم تحت سوط الجلاد، ما زالوا صامدين ينتزعون حياة الوطن من رحم الموت الصهيوني، والحياة تكتب لمن يصون الحياة بدمه وروحه وايمانه..لا اعلم متى سيجمعنا لبنان او الجولان او دمشق الشام، او أي جزء من وطننا الخالد. لكنني اعلم جيدا اننا سنجتمع اجلا ام عاجلا، وستجمعنا ذكريات القيد والسجن، وذكريات البطولة، واحلام جميلة، وامال السلطانية ولبنان والجولان بغد مشرق جميل.عزاؤك اخي جواد برمز هذه الامة وقائدها نحو العزة والجلال، عزاؤك براية الكبرياء المرفوعة عاليا في سماء لبنان تحملها أرواح الشهداء والمجاهدين والمقاومين في أرجاء الوطن من أقصاه الى أقصاه.فتقبل عزاء افراد اسرتك في الجولان، ونقبل العزاء في ابنتك كما تتقبلها السلطانية من كل لبنان، ولاسرتك الصبر والسلوان، ولزملاء جميلة في المدرسة كل الامال بان يكون وداع جميلة نهاية للاحزان ....
أيمن ابو جبل أسير سياسي محرر من سجون العدو الجولان السوري المحتل

بالذمة مليش حق اتجنن ؟؟؟؟

بحياتك يا ولدي امرأةٌ
عيناها، سبحانَ المعبود
فمُها مرسومٌ كالعنقود
ضحكتُها موسيقى و ورود
لكنَّ سماءكَ ممطرةٌ..
وطريقكَ مسدودٌ.. مسدود
فحبيبةُ قلبكَ.. يا ولدي
نائمةٌ في قصرٍ مرصود
والقصرُ كبيرٌ يا ولدي
وكلابٌ تحرسُهُ.. وجنود
وأميرةُ قلبكَ نائمةٌ..
من يدخُلُ حُجرتها مفقود..
من يطلبُ يَدَها..
من يَدنو من سورِ حديقتها.. مفقود
من حاولَ فكَّ ضفائرها..
يا ولدي..
مفقودٌ.. مفقود

بصَّرتُ.. ونجَّمت كثيراً
لكنّي.. لم أقرأ أبداً
فنجاناً يشبهُ فنجانك
لم أعرف أبداً يا ولدي..
أحزاناً تشبهُ أحزانك
مقدُورُكَ.. أن تمشي أبداً
في الحُبِّ .. على حدِّ الخنجر
وتَظلَّ وحيداً كالأصداف
وتظلَّ حزيناً كالصفصاف
مقدوركَ أن تمضي أبداً..
في بحرِ الحُبِّ بغيرِ قُلوع
وتُحبُّ ملايينَ المَرَّاتِ...
وترجعُ كالملكِ المخلوع..

ليه انا اللى اعرفك دونا عن ولاد نوح كلهم با بنت مريم ... وليه انا بالذات .. وليه تدينى نص الصورة و تجرى .. يعنى فاكرانى حاقضى كل عمرى اجرى ورا واحدة انتى فيها ؟؟؟

طيب .. ماشى ..

انا حاجرى !!

بس كمان مفيش داعى تكعبلينى فى السكة .. لما حوليكى ولاد نوح كلهم فى سكة .. و السكة التانية سابقانى كتيير .. و السكك اللى تحتى كلهم شربوا وفاء للاخر .. كده مش حينفع .. انا ممكن احارب الدنيا عشانك .. لكن اللى انتى بتحطيه ادامى ده .. ححاربه ازاى؟؟

لا و من كتر القهر جايالى فى سكتين .. عشان بدل ما كنت بصرخ بعلو صوتى و اقول فينك .. بقيتى ادامى مرتين و مش طايلك .

ماشى

انا حوريكى ابن ابراهيم بيعمل ايه

فلتذهبى بعيدا عنى .. الآن بالذات .. لن ابحث عنكى ثانية .. فلتجمعى حولكى كل من تريدين من منمقى الكلمات و العطور ومبعثرى القلوب .. و لتجرى كما شئتى بالاجيال

هنا .. اقف .. ليس عندى ما اقدمه اكثر من ذلك .. تهدديننى بوفاء؟ .. فى كل منهم هى....و انا ادم .. و سأعرف كيف اخرج من نسلى مريم ثانية .. مريم لا تجرى امام الناس .. لانهم ناس .. و ليسوا كلابا .. اعزك الله .. او اذلك .. لا اهتم .

ارحلى بعيد عن هذا القلب .. لم بعد عندى مكان لندوب .. و سافرى بعيدا عن هذا العقل .. قد برئت من الجنون .. يا وردة بنات حواء .. انا آدم الذى لا يريد تفاحة منك .. انا ابن آدم .. و سأجد حواء لا تشبهك .. بل تشبه حواء

جميلة .. انسانة ... حد يلحقنـــــــــــــــــــــــــــــــى يا بشر

قدرٌ أنت بشكل امرأة..
وأنا مقتنعٌ جداً بهذا القدرِ
إنني بعضك، يا سيدتي
مثلما الآهُ امتدادُ الوتر
مطر يغسلني أنتِ.. فلا
تحرميني من سقوط المطر
بصري أنت. وهل يمكنها
أن ترى العينان دون البصر؟

يبدو ان شياطين رأسى انتقلت الى الوجود و اصبحت فاعلة .. اجرى بحثا اقل ما يمكن ان يقال عليه انه مثير للشفقة و مرضى و علامة ضعف كبرى(اثار احتقارى انا شخصيا لنفسى فى البدء) .. ادخل اسم جميلة فى صندوق البحث فى جوجل فتطالعنى وسط النتائج: مدونة لمصرية تدعى انسانة.. ولا توجد كلمة جميلة بها على الاطلاق .. ما هذا العبث .. ؟؟؟ فليغيثنى احدكم بدواء من جنون بنت مريم .. اكاد اجن .. والادهى انها تتحدث عن وضاعة الرجال .. صورة طبق الاصل من مدونتى مع قلب الاجناس كافة فى الكلمات .. لو لم اكن متعلما لقلت ان جوجل به عفريت و ذهبت لعراف ينجدنى .. وجدت نفسى اعلق على كلامها بلا وعى و كتبت هذيان غير مفهوم .. مصيبة لا تطلع اسكندرانية كمان.. يا جدعان انا بتاع هندسة .. عييب كده حرااااام

عيناكِ.. كلُّها تحدّي
ولقد قبلتُ أنا التحدّي!!
يا أجبنَ الجبناء.. إقتربي
فرقُكِ دون رعدِ
هاتي سلاحَكِ.. واضربي
سَتَريْنَ كيف يكون ردّي..
إنْ كان حقدُكِ قطرةً
فالحقدُ كالطوفان عندي
أنا لستُ أغفر كالمسيحِ
ولن أُديرَ إليكِ خدّي
السَوْطُ.. أصبحَ في يدي
فتمزَّقي بسياط حقدي
*
يا آخر امرأةٍ.. تحاولُ
أن تسدَّ طريقَ مجدي
جدرانُ بيتكِ من زجاجٍ
فاحذري أن تستبدّي!
سنرى غداً .. سنرى غداً
من أنتِ بعد ذُبُول وردي
*
أتهدِّدينَ بحبِّك الثاني..
وزندٍ غير زندي؟
إني لأعرفُ، يا رخيصةُ،
أنَّني ما عدتُ وحدي..
هذا الذي يسعى إليكِ الآنَ...
لا أرضاهُ عَبْدي..
فليَمْضغِ النهدَ الذي
خلّفتُهُ أنقاضَ نهدِ..
يكفيه ذُلاًّ ... أنّه
قد جاءَ ماءَ البئر.. بعدي

الانسان .. ذلك الكائن الذى يهوى تعذيب نفسه .. انا ليه مطلعتش شجرة .. لو طلعت شجرة مكنتش شفت كل ده

لو مكنتش بنى آدم مكنتش شفتك ... ولا عرفتك .. و لا خنتينى .. لو مكتنش بنى آدم مكنتش حبيت جميلة فيها وانا بودعك وانتى رايحة تبقى وفاء .. رايحة تبقى جارية .. لو مكنتش بنى آدم .. مكنتش حضرب دماغى فى الحيطة كل يوم عشان جميلة الى بدور عليها ممكن تكون اتخلقت بس مش ليا ... بنت مريم بتجرى .. و سابقانى بشواطئ .. وبلاد ..... وسنين.

لو كنت شجرة كنت حتفرج عليكوا يا بنى آدمين من بعيد و اشتمكوا فى سرى .. كنت حضلل على امل دنقل وهو بيقولكوا فلترفعوا رؤوسكم مرة... واقولوا مش حيحصل دول عبيد فرعون وجواريه .. و اتفرج على اينشتين وهو بيجرى ورى ايمانه على الورق من شبابيك المستشفى.. واقولوا تخيل .. بعد كل ده .. حييجى واحد يقول ازاى تعجبوا بيهودى.

بس ارجع اقول .. لو كنت شجرة .... كنتوا حتقطعونى يا اشقى كائنات على وجة الارض.

زمان لما افترقنا ليل الطريق سرقنا وتهنا في المسالك

انا المجروح وانتي حزينه زي ماانتي عنيده في امتثالك

تعبنا ياحبيبتي تعبنا م العناد طريق واعر فرقنا وتهنا في البلاد

مع انك ياحبيبتي حياتك في الوداد وانا عارف نهايتي في البعاد

عذابك وحشني وعشقك هبشني وقلبك فرشني جناين وقمره

راجع لك ياسمرا

اهيم شوقا اعود شوقا الى لماكي وسلسبيلي

ياسمرا ياللي الهوى رماني

وتهت فيكي وضاع زماني

يحدفني بحرك لبر تانى

يجيبني شوقي او تندهيلي

اهيم شوقا اعود شوقا الى لماكي وسلسبيلي

هربت منك لقيتني فيكي

بعدت عنك قربت ليكي

سهرت وحدي اتونست بيكي

غلب حماري وتاه سبيلي

اهيم شوقا اعود شوقا الى لماكي وسلسبيلي

وحشتينى يا جميلة .. لقيتك و ضعتى .. و رجعتى تانى .. و المرة دى احلى .. بس ليه دايما بتيجى فباب مقفول يا بنت مريم .. ليه دايما جايه لى فى المحال .. ليه دايما قريبة و بعيدة .. ... ساعات بحس انى جيت هنا غلط .. المأساة انى شايفك ادامى و مش قادر المسك .. ووفاء اللى قبلك لسه بتجرح .. انا كده عديت باسم .. ... يا رب .. .. قرب البعيد .. رايد بنت مريم و هى صعبة على قوى

ومسير الضى لوحده حيرجع