فنان فقير على باب الله

الجيب ما فيهشي ولا سحتوت

والعمر فايت بيقول آه

والقطر فايت بيقول توت
صحيتني ليه يا شاويش يا شاويش

أنا كنت سارح في الملكوت

لما بنام بحلم وباعيش

لما بفوق ما بفوقشي بموت
وتقول علىَّ كبير السن

وانا في قلبي ولد كتكوت

وتشوفني ببكي وبانعي الابن

والدنيا لسه بنت بنوت

اشمعنى قلبي ضناه الشيب

من الشقا مهري ومنكوت

قال اللي قال العيب في الجيب

والجيب ما فيهشي ولا سحتوت

والعمر فايت بيقول آه

والقطر فايت بيقول توت

علي المحطة يا ولداه

حتى المحطة كمان حتفوت

-------------

كلمات :فؤاد حداد

الحان:وجيه عزيز

غناء : وجيه عزيز

--------------

اعتراف الاخر بك .. هذا هو السراب الذى يقتل صاحبه دائما عندما يحاول مطاردته فى صحراء الالفية الجديدة ... من هو الاخر ؟ واى اخر بالتحديد ذلك الذى تجرى وراء اعترافه بك ؟؟؟ وما الذى جعل اعترافه هو بالذات... مسألة حياة او موت؟

نعم .. هى فطرة .. هى رغبة .. ولكنها .. ليست هدف للحياة ؟؟؟ .. ان جاليليو لم يمت لانه كان يريد اعتراف الاخر به كعالم .. هو ببساطة مات لانه رفض تغيير الحقيقة لكى يقبل بها .. الاخر .. لم يمت لوثر كينج من اجل اعتراف البيض بحقوقه .. لكنه مات فى سبيل الحصول على الحقوق

قد يبدو غرورا .. لكننى .. الان .. وبعض ان نضجت .. ارفض ان يكون .. الاخر .. هو كينونتى .. واعترافه بى .. هو مفتاح الحياة .. فليعترف من يشاء .. انا موجود .. انا هنا .. وانا نفسى