اندلسى مات فى اسكندرية .. صبح ضريحه دروب
واكمن كان حبه واجب ... صبح فى كل القلوب
لكن غريب ..ماله بلد .. صار السويس بلده
واكمن الغربة قدره .. صبح قلبى وطنه
انا ابن الغريب
"من رباعيات الغريب .. اعوام الشتاء"
--------------------------------
موسيقى رأفت الهجان تطاردنى فى كل مكان .. روح غريبة تتشبث بى .. وتصرخ ابقى هنا .. بينما روحى تصرخ .. اريد ان ارحل
--------------------------------
بالامس فقط .. عرفت معنى ان اكون من جيل الغربة .. ان اكون من الجيل الذى عليه تحمل مجموع اخطاء شعب كامل على مدى خمسين عاما ... السؤال اذى لا يفارقنى .. اذا تم الحساب .. بماذا نحكم ؟؟؟؟
--------------------------------
لا اعرف اين ستأخذنى قدماى الان .. ربما الى معتقل فى صحراء الوطن .. ا الى منفى خارجه .. او الى منفى داخله .. تصبح هذة كل الخيارات .. وعندما يحدث هذا .. اجدنى اتسائل .. اين العقل ؟؟؟
هناك 3 تعليقات:
احنا صحيح جيل الغربة , و فقدان القدوة كمان والحلم
زمان كان ليهم حلم : التحرير من الاستعمار و بعد كده جت الثورة بكل احلامها : من السد لتحرير القنال و العدوان الثلاثي و حلم النصر بعد النكسة
بس بعد كده ؟
فياسكو
مافيش : بح خلاص , مستودع الاحلام خلص
........
جيل الغربة و اللا انتماء
.......
على فكرة موسيقى رأفت الهجان عندك تحفة
انا كان عاجبني اكتر الشكل القديم , بس التجديد حلو برضه !
.........
ما تتوهش , سيبك من الجيل المهبب اللى احنا فيه , اتمسك بحاجة واحدة و شد عليها بسنانك , دى تبقى قضيتك و حياتك و مستقبلك اللى ح اتحارب فيه عشانها , أياً كانت الحاجة دى
و ما تتغربش
ممكن تتغرب عن بلدك , ناسك , أهل حتتك , لكن أبداً ما تتغربش عن نفسك و لا عن الناس اللى بتحبهم
حب نفسك و حبهم , اتمسك بيهم لأن هما دول اللى فاضلين لك
أنا أصلا باقول الكلام ده لنفسي , مش وعظ يعنى , أنا آخر واحدة تعظ حد
......
مدونتك جميلة !
جلب الوطن مجروح لا يحتمل اكتر
نهرب وفين هنروح لما الهموم تكتر
نحمي غصون الورد..من دمع سال عالخد
اه ياحبيبة الروح جلب الوطن مجروح
لو حتي جلبي تاه بين الشجن والاه
ياللي لقاكي حياه..انا حبي ليكي صلاة
يامطيره العصافير..رجع الهوا بالخير
لو وقلبي عاد ضميه..اديه حنان وداديه
...ده الصمت مش لينا
فين الولد مايروح لازم يعود اسمر
..جلب الوطن مجروح لايحتمل اكتر
لو تنطقي الموال..لازم يروق الحال
محتاجه ليا دراع وشراع وراحة بال
محتاج ليكي نجوم هايمه في حضن هلال
..............................
الحلم عدي ع البيبان الحديد هدها ..شقشق لروحي غنوة علي أدها
فرحت و خبت في اللي فات حزنها
رقصت فعين الشمس مين أدها
قالت فليل سواده بيسحف علي سنها
خليكي فاكرة الضحكة و الئهئهة
بكرة هيجي اكيد يلملم ضفايرها و يضمها
شيماء حامد
إرسال تعليق