ادركت اخيرا اننى كبرت .. ربما ... مبكرا؟؟؟
تتنازعنى الان .. اسئلة .. اقل وصف لها انها مرعبة .. مرعبة الى حد جعلنى استرجع كابوسى انا-الطفل ... ياااااااااااه
يمكن يكون الخوف على قد الحلم .. بس ليه بقيت حاسس .. ان الحلم بقى كله خوف؟
الا صحيح ؟؟
هى الستات عايزة ايه ؟؟
ماعلينا
عمرو كان بيقول انك لما تلاقى نفسك وانت بتقعد بتقول ااااااااه .. تبقى كبرت
بس انا .. مشكلتى فى حاجة اكبر ... انا مش حاسس انى بقيت بعرف انبسط ..
شرب فطرب .. فضحك حتى استلقى على قفاه
كل حاجة بحساب .. وكل كلمة ليها معنى يزعل .. لكن مش كل الكلام يفرح .. قليل قوى الكلام اللى بقى يفرح .. هو ليه الناس دايما بتدور الاول على الزعل ؟؟؟؟
هو ليه الزعل بقى سهل قوى كده ؟؟ يمكن يكون الحاجة الوحيدة فى حياتنا الى ما بتغلاش ؟؟؟
طيب انا ينفع اعيش فين؟؟
طب انا مين؟
تعرفنى؟؟ تعرفينى؟
زمان كنت حاسس ان الناس كلها مش عارفانى الا واحد .. بالكتيير اتنين
دلوقتى فى ناس كتيير .. المفروض انها تعرفنى .. بس شكلها عارفانى غلط
"اسوأ شئ ان يعجب بك من فهمك خطأ"
يااااااااااااااه .. معرفتش اد ايه جملة زى دى فى ترجمة فيلم امريكانى مجنون ممكن تبقى صح بشكل مخيف الا اليومين دول
طب الحل ..
اتكلم عن نفسى شوية ... يمكن تعرفنى؟؟؟
انا سمير .. حبيت فى حياتى يمكن 20 نفر .. لكنى معرفش منهم غير 2 .. 3
"محظوظ انا .. ساعات بشاور ينفتحلى الف باب .. لكنى بغلط فى الحساب .. معرفش ليه"
انا عمرى ما اذيت حد قاصد .. انا مش قديس .. ولا شيطان
ساعات ببقى انانى قوى .. انا عارف ده كويس .. لكن مع النفرين التى طلعت بيهم من البلاعة الى احنا عايشين فيها .. عمرى ما كنت كده
بيقولوا على ذكى .. كان معايا اثبات للكلام لغاية 4 سنين فاتوا .. بقيت فى عرف ناس كتير فاشل .. امى بتقول ان ذكائى هو اللى مضيعنى .. بس انا مش عارف ايه اللى حصل
ساعات بحب الوحدة
اوى
مش عارف ليه مبقاش عندى نفس لحاجة .. بقالى كده .. يمكن .. شهر .. ويمكن من 4 سنين
وكيبيديا بتقول ان عندى اعراض اكتئاب .. كان نفسى ارد .. انتوا عايزين واحد عايش فى اسكندرية 2007 يبقى عنده ايه ؟؟ فرحة!!!!!!؟؟؟؟
كفاية كده بقى
يمكن عشان خايف اتوه
معرفتش احضنك
ليست هناك تعليقات:
إرسال تعليق