نهار - خارجى .. شارع مزدحم بوسط الاسكندرية ..
تظهر سيارة ميكروباص صغيرة لونها احمر و مكتوب عليها بحروف انجليزية كبيرة " صنع فى الصين " ... المشهد يقترب اكثر فنرى شاب فى الثلاثينات يرتدى تى شيرت مرسوم عليه تشى جيفارا .. ويبدو الشاب مخدرا .. نستمع الى صوت فى الخلفية:
الطماطم المسبكة حرام ...ربنا خلقها سليمة .. تسبكها انت؟؟؟ اتغير من خلق الله؟؟
يختفى الصوت ويعود صوت الشارع .. يصرخ السائق فى راكب اخر بجانبه .. راكب يبدو فى الخمسينات و يمسك باوراق فى شكل تقليدى لموظف محافظة ... :
عندى دليل .. انت بتهزر يا بيه .. هو مش محافظ .. يبقى اكيد مرتشى .. وبعدين اصل احنا عجزة
يعود صوت الشارع مرة اخرى .. تمر سيارة فارهة بداخلها شاب ذو لحية خفيفة و بجانبة بنت ترتدى حجاب طويل .. يرتفع صوت داعية مشهور من داخل السيارة:
كان قرانا يمشى على الارض .. وتشوف بقى .. خلق الصحابة
يعلق السائق .. الصحابة لو كانوا معانا دلوقتى كانوا عملوا فيك ايه يا حبيب ماما ؟
يلتفت الشاب لاول مرة وينظر الى السيارة .. ثم الى السائق .. والراكب-الموظف .. ثم يلقى بنفسه فجأة من نافذة السيارة .. ولكن النافذة الضيقة لا تسعه فيستطيع الركاب اللحاق به .. يسألوه جميعا فى صوت واحد .. ليه كده يابنى .. فيضحك .. وترتفع ضحكته مع ابتعاد الكادر تدريجيا ...
النهاية
ليست هناك تعليقات:
إرسال تعليق